وش فيها المكتبة؟

كتب في مجالات التخصصات في الجامعة ومعاجم وموسوعات وكتب باللغة العربية

 متى تفتح المكتبة؟

تفتح المكتبة ساعة 7 ونص وتغلق الساعة 2 ونص

كيف استعير كتاب؟

ابحث في فهرس المكتبة وخذ رقم التصنيف  وسير عند أخصائي المكتبة

كم كتاب استعير ومدة الاعارة؟

تستعير 5 كتب لمدة أسبوعين

شو يعني مجموعة عمان؟

كتب عن تاريخ وحاضر سلطنة عمان

كيف ابحث عن عنوان كتاب؟

عبر فهرس المكتبة في نظام آفاق المعرفة وين ما تكون فالبيت أو فالجامعة.

من وين ادخل على فهرس المكتبة؟

من بوابة الطالب- خدمات المكتبة.

عندكم قاعة للمناقشة الجماعية؟

عندنا قاعات للمذاكرة خارج المكتبة مفتوحة طول اليوم الدراسي

أريد كتب الكترونية؟

ابحث في المكتبة الافتراضية العلمية العمانية مصادر.

من وين أقدر ادخل على مصادر؟

من بوابة الطالب- خدمات المكتبة.

شي طابعة في المكتبة؟

الطابعات في مختبر الحاسوب.

استعرت كتاب وضيعته؟

تدفع سعرالكتاب أو تجيب كتاب بديل.

ما تكفيني مدة الإعارة اسبوعين شو أسوي؟

تقدر تطلب تجديد للكتاب وأنت فالبيت.

متوفر معكم قاعة مغلقة أقدر احجزها في الوقت الي يناسبني ؟

قاعة مزون بالحجزالمسبق.

أدور على مكان هادئ واقرأ كتاب؟

تقدر تجلس داخل المكتبة بشكل فردي

كيف أعرف متى أرجع الكتاب؟

يوصلك اشعار على الايميل وفيه تفاصيل الاعارة والارجاع.

عندي مشروع تخرج ما حصلت مصادر تخص موضوعي؟

احجز خدمة اسأل أمين المكتبة وتعال انت وزملائك وبنساعدك في البحث.

ابحث عن كتاب وما حصلته في المكتبة؟

ابحث في المكتبة الإلكترونية مصادر

كيف اتواصل معاكم؟

ادخل خدمة اسأل أمين المكتبة أو ارسل ايميل.

ياخي ما أحب اقرأ كتب ؟

ولا يهمك عندنا بودكاست إشراقة تسمع مخلص الكتاب في غضون دقايق.

يبتوا كتب يديدة؟

حط عينك على رف وصل حديثا ونحط فيه كل الكتب الجديدة ولا تنسى تابع إعلاناتنا على مواقع التواصل الاجتماعي.

عندكم صفحات في مواقع التواصل الإجتماعي؟

أيوا عندنا في انستقرام  utaslibrary@